قسم الدعم النفسى المتخصص

١- مفيش أي شاشة قبل عمر السنتين. ٢- لو طفلك متكلمش عند عمر السنتين..يبقى ممنوع الشاشات خالص لحد ما يبدأ يتكلم و تكون لمدة لا تزيد عن نصف ساعة. ٣- ممنوع تعودي طفلك يندهلك أو ينده باباه بأسمائكوا. ٤- اللعثمة ميتسكتش عليها نهائي. لازم تستشيري مختص. ٥- متخضيش ولادك. وتقولي بلعب معاهم. و لا تسمحي لولادك يخضوا بعضهم ويقولوا بنلعب. ٦- إهدي. إهدي . و الأب اللي واقف هناك..إهدى لو سمحت. ثباتكوا الانفعالي أساس نجاح تربيتكوا لولادكوا. ٧- الضرب مش عقاب.اعرفوا ده كويس جدا. ٨- كل ما صوتك علي وزاد ..كل ما هيبتك كأم قل. ٩- الرياضة أساسية مش اختيارية. ١٠- الرياضة زي الملابس. لازم تبقى مقاس الطفل النفسي. مينفعش طفل قليل التفاعل الاجتماعي يلعب رياضة فردية. و لا طفل عنده فرط حركة يلعب لعبة بتزود الثبات الانفعالي مثلا. الرياضة بوجه عام رائعة. لكن كل نوع رياضة له السمة المميزة في الشخصية اللي بتشتغل عليه. ١١- قمة الرياضات المفيدة لسحب الطاقة رياضات المضرب.و السباحة. قمة الرياضات التي تساعد على الثبات الانفعالي رياضات الدفاع عن النفس. قمة الرياضات التي تساعد على التركيز و الالتزام الجمباز. ١٢- اقفلي شاشاتك. ١٣- قنوات طيور الجنة و ما شابهها من القنوات. كارثة تربوية تؤثر سلبا على الطفل لغويا ومهاريا. ١٤- العدل بين الإخوات فرض إنساني وديني. رجاء ابنوا بين الأخوة كنز من المحبة عن طريق عدم التمييز بينهم. ١٥- كل طفل له مدخل محدد ومميز في الاستيعاب والدراسة. فمتعتمديش على نفس الطرق القديمة لحضرتك أو لإخواته الأكبر منه. ١٦- كل طفل له شخصيته و سماته النفسية وجيناته الوراثية المختلفة عن غيره. فرجاء حار عدم مقارتة الإخوة بعضهم ببعض. تحت دعوى ( مهو نفس الأب والأم والبيت ! ليه هو كده و اخواته كده !!) أكبر غلط المقارنة بين الإخوة. ١٧- ولاد الغربة لازم يتكلموا كتير مع أهاليهم في بلدهم الأصلي في أي مكان وبأي طريقة. ١٨- ولاد الغربة لما يرجعوا أجازة يقضوا أكبر وقت ممكن مع أهاليهم وأصحابهم وجيرانهم. ١٩- الطفل الأول من حقه يتدلع. مش لمجرد ما وصل الضيف الجديد ننسى حقوقه و نحمله مسئولية فوق سنه. ٢٠- متطلبوش من أولادكوا يحكوا تفاصيل زيارة بيت فلان أو علان. كده غلط. ٢١- متهنوش ولادكوا. العقاب مش شتيمة ولا ضرب. ٢٢- ممنوع ولادكوا يناموا معاكوا في نفس الأوضة. ممنوع منعا تاما. ٢٣- مينفعش تحرجي طفلك قصاد أي حد. استني لما تروحي بيتك واتناقشي معاه في اللي معجبكيش من سلوكه. وعاقبيه إن لزم الأمر. لكن متحرجيهوش قصاد الناس. ٢٤- نظمي لعب ولادك مع بعض. بقواعد عامة خاصة بالسلوك والتوقيت. زي مثلا كل واحد منهم له وقت معين للعبة كذا. أو ، ممنوع صوت عالي أو خبط و ترزيع أثناء اللعب. القواعد و التنظيم بيوفر مجهود كبير جدا و بيقلل الأخطاء . ٢٥- اعرفي إن طفلك كائن حي مش كمبيوتر. يعني بيحس و بيغلط . مفيش داعي للهلع اللي بيصيب بعض الأمهات في حال اكتشافهم لأخطاء معينة من أطفالهم. اتعاملي بالراحة و بثبات انفعالي. ٢٦- النقد المستمر بيخلق شخصية مهزوزة وخايفة طول الوقت. النقد المستمر بيقتل الإبداع. ٢٧- حدوتة كل يوم اللي اختفت تقريبا من البيوت لها أثر نفسي وتربوي و لغوي وسلوكي كبير جدا جدا جدا. رجعوا الحدوتة. يمكن تلاقوا طفولتكوا معاها. ٢٨- التوعية ضد التحرش الجنسي ضرورة ملحة . ٢٩- مش كل طفل اتحرك شويتين واتشاقى حبتين. يبقى عنده فرط حركة. و مش كل طفل اتأخر حبة في الكلام أو عمل حركة معينة بشكل متكرر يبقى توحد. ارحمونا من الفتي يرحمكم الله. ٣٠- اهتمي بمظهر أطفالك. لأنهم لما يكبروا هيحاسبوكي عن ده. و لا سيما لو كنت آخده بالك من مظهرك كأم . ٣١- اهتموا بمتابعة اختيارات أطفالكم على التلفزيون و الموبايل. اعرفوا هم بيتفرجوا على إيه وانقذوا ما يمكن إنقاذه لو في خطأ. ٣٢- احضنوا ولادكوا. احضنوهم كتير وقولوا لهم إنكوا بتحبوهم. ٣٤- لو طفلك وصل لسنتين دون محاولة للكلام و لو حتى أنصاف كلمات و اتقال لك مسيره يتكلم لوحده.متسمعش الكلام. و إلجأ لمختص واتناقش معاه في سبب التأخر. ٣٥- محبكش الخناق قصاد العيال على فكرة.محبكش خالص يعني. ٣٦- متخليش طفلك يتفرج على أفلام رعب بحجة إنك بتجمد قلبه. لا يا فندم. حضرتك بتخليه جبان و خواف. ٣٧- بلاش دراسة في فترة الصيف. كفاية إرهاق شهور الدراسة رجاء. ٣٨- متقوليش لطفلك الذكر. ( الولد مبيعيطش / الولد مبيلعبش بعروسة / الولد مبيخفش ) لإن ده أكبر غلط. ٣٩- مش لازم كل حرف غير واضح في كلام طفلك يبقى بالضرورة لدغة. ممكن يبقى محتاج تصحيح بسيط فقط لمخرج الحرف. ٤٠- # تربية حيوان أليف في البيت -لو طاقة الأم تسمح - مفيد جدا نفسيا للطفل.. التربيه مش سهله بس مستاهله💓

🌈⭐ النكد مع الاطفال قبل النوم🙄 ✍✍✍ ✋ احذروا النكد قبل نوم الأطفال. *الدقائق التي قبل النوم من أكتر الاوقات التي يخزنها عقلنا وتأثر على أحلامنا و أفكارنا ومشاعرنا و رؤيتنا لليوم التالى .. *مهم وضروري أن أطفالنا يناموا مبسوطين وفرحانين ..و حاسين بالحب و الأمان. *يومهم يكون مشحون بأحداث و ضغوط و مشاهد مختلفة .. محتاجين نفرغ السلبي منها و ندعم الجيد ... و نشحن طاقة ايجابية لليوم التالي .. 🤔🤔كيف يمكن ان نساعد اطفالنا ⁉️⁉️ ١.تجنب اللوم و التحذير و النتبيهات ... ٢.التقرب من الطفل ... الجلوس بجانبه فى السرير ... تحكي و تضحكي و تطبطبي و تبوسيه بحنان وتلاعبيه وتحكيله عن تفاصيل يومه الإيجابية .. ٣.تشكريه أو تثني على تصرف ايجابي و لو صغير قام به طفلك فى اليوم ... حتى لو كان مجرد إنه وصل صحنه للمطبخ بدل ما يتركه على السفرة . ٤.اسمحي له يساعدك ويشاركك الاعمال والمهام اليوميه والمنزليه .....مثل التنظيف وشراء حاجات المنزل. ٥.قراءة القرآن أو قصة لطيفة بها بعد ديني أو إخلاقي أو ترفيهي بسيط .. ٦.ارسمي خطة جديدة .. سفر ... خروجة أو زيارة . ٧.شجعيه و خليه يشوف نجاحه و انجازه فى اليوم التالي . ٨.حسسيه إن الإنجاز والهدف تم تحقيقه. ٩. ممكن نجيبله شالية زرع يسقيها أو عصفور يأكله أو قطه يربيها وكل مرة اكيد حيلاقى تعبه ومجهوده واهتمامه بيكبر قدامه ببساطة و من غير أطالة .. **نخلى بالنا ....من ... إن الطفل ينام دمعته على خده . أو حزين بسبب الدراسة.....أو سلوك عمله. بسمة الحب و الأمان و الثقة على وجه طفلك قبل النوم .. ترسم و تلون احلامه قبل النوم........ و تصرفاته طول اليوم ... وتذكروا و انتم تنيموا اطفالكم كل يوم فى السرير.........تطبطبوا و تلمسوا شعرهم . و تقبلوهم بحب و حنان و انتم تغطوهم من أجل أن يحسوا بالأمان اللحظات الحلوة دى حنفتكرها أما يكبر قدامنا ونقول ياريت يرجع صغير تانى فياريت تخليها ذكريات💓 عوزين تفاعل ومشاركتكم. بحبكم في الله 😍💓 التربيه والامومه مش سهله بس مستاهله 💓

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل الوقت المسموح هو ساعتين في الأسبوع و من بعد 8 سنين ممكن ساعة في اليوم لكل أم تخطت الوقت ده بمراحل و ولادها بيقضوا ساعات من يومهم قدام الكرتون بغض النظر هو كويس ولا لأ حتي لو مقعداه قدام قناه تعليمية للأطفال و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات طيب اصل هما بيزهقوا العب معاهم ايه ؟ #ممكن أنظم وقته طول اليوم كله واعمله جدول #ممكن يخرج شوية فسحة ليه #ممكن نحددله مهام معينه فى البيت يعملها كل يوم مع اننا نحفزه بكل مهام انجزها #ممكن نلعب معاه اكتر وقت ممكن لو أمكن ااننا نخصص وقت ليه زى ما فى وقت نعمل الاكل ونريح وننضف البيت يكون فى وقت للأولاد نتكلم معاهم وده افضل شىء #نحاول نشغل وقته بالتلوين والرسم او ابتكار اى شىء او ننمى موهبة عنده #نخليه يشترك فى اى رياضة بيحبها وننمى منها ولو مفيش إمكانية يبقى نحاول نخلى وقت فى البيت لممارسة اى تمرين يعمله كل يوم لبعض من الوقت لو عوزه تعرفي ازاي الوقت اللي طفلك مسموح يشاهد فيه التليفزيون أو أي تكنولوجيا. تحسبي عمر طفلك تضربيه في ٦ مثال طفلك عمره ٥ سنوات.. 5×6=30،اذن ابنك متاح له نص ساعه فقط ٣٠ دقيقه فقط خلال اليوم كله.

احترس ! فذلك النوع من التربية فيه سمٌّ قاتل ! 🌸 دخل على والدته مقهورًا .. - ماما .. صاحبي ضربني ..😵 - انت السبب ، شوف غلطت في ايه خلاه يعمل فيك كده ! النتيجة = رجل بالغ .. يعاني من جَلد الذات ! ♥️♥️الحل👇 خديه فى حضنك وهديه وطبطبى عليه وخليه يحكيلك اللى حصل وهنا حنبدأ نتكلم معاه ونوعيه👩‍👧👨‍👦 🌸أب يعاقب ابنه : - طيب ، انت محروم من اللعب - انا عملت ايه ! - مش عارف انت عملت ايه ؟! خليك بقا من غير لعب لغاية ما تعرف ..! النتيجة = رجل بالغ .. مصاب بفرط التفكير ♥️♥️ الحل 👇 قبل ما اعاقب الطفل لازم يكون عمل شىء يستحق العقاب ولازم قبل العقاب يعرف هو اتعاقب ليه وياريت (نبعد عن الضرب والتوبيخ قدام الناس) 🌸 طفل يشعر بالحزن .. - مالك يا حبيبي - زعلان - طب خد كل الشوكولاتة دي وما تزعلش النتيجة = رجل بالغ .. مصاب بالشراهة المصاحبة لمشاعر الحزن ..😣 ♥️♥️الحل👇 اخليه يحكى سبب الزعل ايه واسمعله كويس وهو بيحكى 🌸 طفل يرتمي في حضن أمه باكيًا بحرقة : - مالك يا حبيبي !؟؟ - إتخبطّ في الترابيزة .. - كده يا تربيزة يا وحشة ؟ ليه تخبطي أحمد ! أوعي تعملي كده تاني ! خلاص يا حبيبي ضربتها ..! النتيجة = رجل بالغ .. يمارس الإسقاط ، دائم إلقاء اللوم على الآخرين ، ويتبنى دور الضحية .. ♥️♥️ الحل 👇 اقوله ابقى خلى بالك يا حبيبى وانت ماشى عشان ماتتخبطش تانى يا حبيبى واطبط عليه واحضنه 🌸 طفل جرِحَ رغم رفقة أخيه الأكبر له .. - انت كنت فين لما أخوك اتجرح؟؟ مش تاخد بالك !! - كنت بلعب ! - أنت إنسان مهمل ، لو كان جراله حاجة كنت موتّك !! النتيجة = رجل بالغ .. فاقد الثقة بقدراته .. ♥️♥️ الحل 👇 انصحه وافهمه ان ده اخوك لازم تحبه وتخلى بالك منه وهو كمان يخلى باله منك وتحافظوا على بعض انتوا اخوات كل واحد لازم يحب التانى 🌸 طفل معترض على أداء الواجب .. - طب لو عملت الواجب هاجيبلك هدية ! النتيجة = رجل بالغ .. مادي ، أو أنَوِي .. ♥️♥️ الحل 👇 كل طفل اكيد نفسه اما يكبر يطلع حاجة كويسة دكتور او مهندس او مدرس اقوله اما تكتب الواجب كويس حتبقى شاطر وتنجح وتبقى الحاجة اللى انت عاوزها فلازم تكتب واجبك 🌸 طفل يتعرض للتنمر من زملائه ويشتكي لوالده ، فيكون رده : - معلش. النتيجة = رجل بالغ .. انطوائي أو مصاب برهاب اجتماعي .. ♥️♥️ الحل 👇 لازم رد فعل فى المدرسة أو الحضانة ان اروح اشتكى للمدرس واكبر الموضوع عشان الطفل جه يشتكى عشان مش عارف يجيب حقه فلازم اكون قد المسئوليه واقدر اجيبله حقه 🌸 أم تشجع ابنها على السلوك الجيد .. - خليك مؤدب عشان أحبك ! النتيجة = رجل بالغ .. يتخلى عن مبادئه مقابل أن يجد قبولًا من المجتمع .. ♥️♥️ الحل 👇 الولد المؤدب كل الناس بتحبه وبتحترمه فلازم نكون مؤدبين وشاطرين 🌸 أب صارم : - مافيش نفس تتنفسه بدون إذني وإلا هتتعاقب .. النتيجة = رجل بالغ .. مُنقاد .. .. ♥️♥️ الحل 👇 لازم ادى فرصه للطفل انه يتكلم ويعبر عن رأيه بأحترام مينفعش اقوله اسكت ماتتكلمش ماتتنفسش ولا نفس كده. 😬 نصائح تربوية مهمة جدا 1-الموبايلات والتاب والتلفزيون ساعه في اليوم مقسومه على مرتين لان دا بيأثر ع التركيز مهما كانت الاستفاده 2-العياط ملوش عقاب يعني مينفعش تزعلي منه انه بيعيط ..العقاب ع الخطأ بس 3-.قبل الخروج لازم يكون فيه اتفاق على اللي هيحصل دا هيقلل المشاكل يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس ..لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل 4-ممنوع الاطفال تنام ف نفس الاوضه مع الاب والام بعد سنه 5-ممنوع يدخولوا الحمام معانا او يشوفوا الام والاب اثناء تغيير الهدوم 6-الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر 7-متعمليش حساب لاي حد ع حساب ولادك ، لو وسط مول وسط اهلك ف تاكسي اي حاجه تعملي الصح بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف 8-متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها 9-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب. 10-ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طالما الناس بتاخد منهم. 11-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم 12-مينفعش نقول هقول لبابا لما يجي وبابا هيزعق ، دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا 👌👌 اشتغل علي ابنك علشان بعد كدا هيعكس أفعالك ..💓

لو لقيت ان ابنك بيعيط كتير 😭متفضلش تقوله اسكت🤫 وتضيع وقت فى انك تسكته بالعكس ممكن تلهيه فى اى حاجة تانية 🤡حتلاقى نلقائى انتبه ليها 🤗زى مثلا بص الحمامه بص العصفورة بص السما اى حاجة ممكن يبصلها😁. 🌹 لو مثلا عاوزين تخرجوا باولادكم مثلا اى مكان وليكن بحر 🌊🌊او نادى ⛹️‍♂️🤽‍♂️🏇وبعدين عاوزين تروحوا مينفعش تقولولهم اطلعوا او يالا بينا ع طول بس ممكن تقولولهم قدامنا مثلا ١٠ دقايق🕰️ لو ربع ساعه ونمشى ننبه لكده وبعدين تقولهم يالا بينا بحيث نكون مهدنالهم🙃 🌹 لو مثلا عندك اولاد كتير فى البيت وعاملين دوشة وصوت عالى اوى 🗣️🗣️🤼‍♂️🤼‍♀️🤸‍♂️ وعاوز تلفت انتباهم بأى حاجة عشان تكلمهم مثلا ممكن تقولهم اللى سامعنى يرفع ايده لفوووق🤚🙋‍♂️🙋‍♀️ حتلاقى كل واحد منهم بدأ يرفع ايده لفوق واللى بعده واللى بعده وكله حيسكت عشان يشوف حتقول ايه 😂😉 🌹ياريت وقت الدراسة متقولوش باولادكم ناموا عشان عندنا مدرسة 🏫 بكرة عشان عشان ميصحوش الصبح 😟 وهنا كارهين يروحوا يتعلموا 😏 بس ممكن تقولهم ناموا عشان تروحوا تستمعوا بالمدرسة والدراسة عشان بعد ما تيجوا فى مفاجأة حلوة ليكوا🎈🏅 عشان يحبوا الدراسة والتعليم 😍 تمتع بأبنائك وهم صغار فسوف تمر الأيام بسرعة ولن يبقى لك من براءتهم وطفولتهم إلا مجرد ذكريات ، ♥️♥️ استمتعوا واتمتعوا باولادكم 👨‍👩‍👧‍👦 وهما صغيرين عشان بعد كده مش حيبقى من برائتهم وطفولتهم غير الذكريات 🙂 🤗 العبوا معاهم واضحكوا معاهم 😊وخرجوا معاهم خليكوا زيهم انزلوا لسنهم😘 علموهم وربوهم لزمنهم♥️

أولا لازم نعرف إيه الفرق ما بين العصبية والزعيق والسيطرة على الطفل وما بين الحزم ؟؟؟👀👀👀 للأسف في ناس كتير مفهوم التربية الحديثة او الإيجابية هي ان الأم تكون متساهلة مع الطفل وتعمل كل اللي هو عايزه ..وده اصلا بيوجد شعور دائم عند الأم بالتقصير وتحاول ترضي اولادها بأى شكل لدرجة انها بتضحي بكل وقتها وصحتها وحياتها علشان ترضي وتدلع الأولاد .. بس #تعرفي ان المفهوم دة خاطئ تماما😱 !!! الأم اللي بتعمل كل اللي الطفل عايزه وتدلع وتطبطب على طول وما بتحطش قواعد ولا عندها حزم بتربي طفل ضعيف جدا جدا نفسيا ؟؟؟ #ليه بقى 🤔؟ لأن الطفل لما يكبر ويواجه الحياة والناس #الطفل ده مش هيلاقي اللي يطبطب عليه ويعملّه اللي عايزه وهيكون انسان بيدور على اللى يلبي له طلباته من غير ما يشتغل ولا يعمل اي حاجة في الحياة وممكن طبعا بسهولة جدا يمشي ورا اصدقاء السوء لأنه طريق سهل ومغري بدون ما يفكر في العواقب ولا في النهايات طيب ايه الحل بقى فى الموضوع ده😕 ؟؟؟ تعملي ايه🤔🤔 ؟ ما هو إنتي ماما اللي لازم تطبطب وتدلع برضه بس في نفس الوقت تكون حازمة بدون عصبية الصراحة هو في فرق كبير ما بين الحزم والعصبية او الزعيق بصوت عالى الصراخ 😔🗣️... الحزم والقواعد شئ مهم جدا جدا فى التربية والطفل فعلا فى وجود الحزم بيكون طفل سوي نفسيا المعضلة بتكون ازاى تكوني حازمة و فى نفس الوقت حنينة ومش عصبية ؟؟؟ أقولك ازاي: 1- الثبات الانفعالى 2- قولي هتعملى ايه و اعمليه فعلا. 3- حطي قواعد واضحة جدا. 4- الإتفاقات و الاحترام المتبادل. 5- الحب بدون شروط. تعالى نمسك طريقة طريقة فى سلسلة مقالات .. اول طريقة انك لما تقولى لإبنك تفضلى ثابتة على رأيك بهدوووء جدا مثلا يعنى 😁 .. ماما ماما 🤔..عايز شيكولاتة😉♥️ الأم: مش هينفع دلوقتى يا روحى علشان انت لسة واكل واحدة الطفل: ماما انا عايز دلوقتي، ويفتح عياط الأم: انا بحبك جدا وخايفة عليك♥️ ومش هينفع دلوقتى اجيبهالك😊 الطفل هيزن و يعيط و يحاول مهما يحاول .. كل اللى الأم محتاجة تعمله انها تكون هادية وتفضل ثابتة على موقفها 😉 لانها لو تراجعت وكل شوية ابنها ممكن يقول لها انا عايز و انا بحبك وممكن كمان يستنزف مشاعرها و يضغط عليها بالزن والإصرار لو الأم تنازلت ووافقت على حاجة هى قالت عليها لأ .. ساعتها الطفل بيتكون عنده عضلة المقاومة المستميتة يعني ايه 🤔؟؟ يعني النهاردة زن خمس دقايق لحد ماما غيرت رأيها بكرة هيزن لمدة عشر دقايق لحد ماما تغير رأيها وهكذا ... لحد ما الأم توصل من كتر الزن الى العصبية والزعيق اللي مش بيجيب اى نتيجة حلوة يبقى الحل خليكي ثابتة على موقفك بهدوء و تقبلى ان الطفل لازم يزن وعضلة المقاومة عنده انتى اللى ممكن تقويها لما تتنازلي عن رأيك علشان الزن. ثاني طريقة هي يكون فى اتفاق بين الاب والام هتعملوا ايه وتنفذوه فعلا مثلا يعنى : #انتى عارفة ان اولاد بيتخانقوا مثلا فى السيارة لو #بابا بيسوق العربية و طول ما بابا بيسوق حتلاقى خناق و زعيق يبقى علشان الموقف ما يتكررش بمنتهى الهدوء يكون فى #اتفاق معاهم قبل ما يركبوا لو حصل خناق هركن على جنب و انزل انا وبابا بره السيارة و استنى توقفوا الخناق و تقولوا خلاص خلصنا وفعلا بجد لما يبدأوا يتخانقوا ..ممكن بابا يعمل اللي اتفقتوا عليه من غير تهديد من غير ما يقول انا هقف لو ما سكتوش ولا يهدد بالكلام وفي الأخر تتعصبوا عليهم #بالعكس ..ممكن نركن العربية ونقف جنب العربية بدون ما تتتكلموا . #وتخيلىوا بقى رد فعل الأولاد ايه لانهم فعلا هيثقوا فيكم أكتر لانكو بتنفذي كل اللي بتقولي عليه بإحترام وبدون عصبية طبعا عارف كل الكلام اللي بيدور في دماغك زى ده صعب او مش هينفع او ..او .. بس صدقونى التجربة خير دليل. #قبل ما ننهى الموضوع ده لازم يكون فى اتفاق فى كل حاجة بين الاب والام #بمعنى مينفعش ان الاب يقول حاجة وبعدين #الام تعمل #عكسها ليه بقى 🤔 لأن كل حد بيعمل عكس التانى هيبته بتروح مينفعش عشان #الاب حنين او الام #حنينه تضيع هيبة الشخص الاخر فى الاول وفى الاخر الطفل ده حيكبر #مدلل وبالنتيجة دى حيبقى عاوز يمتلك كل حاجة #واعتمادى مين فيكم بيعمل كدا مع أولاده واللي استفاد من الموضوع يكتب رأيه واللي مش بتعمل كدا تبتدء تتبع طرق التربيه الايجابيه السليمه انك تربي طفل صحيح نفسيا حاجه مش سهله بس مستهله 😉

عندنا في التخاطب ٦ مراحل (١) المرحلة الأولى انتباه تركيز ادراك يعني اشوف الطفل هل عنده تركيز هل عنده انتباه هل عنده ادراك هل عنده تواصل بصري يعني ينظر الى امه ينظر الى ابوه ينظر الى اخوانه اذا تمام وماشاءالله احس طفلي تواصله البصري ممتاز وانتباهه ممتاز وادراكه ممتاز انتقل للمرحلة الثانية (٢) المرحلة الثانية نفخ اصدار اصوات (ااا ، ممم ،ب ، و ) واصدار الاصوات التاليه (با بي بو ، ما مي مو ، وا وي وو ) اصدار ( ماما بابا ) وتقليد صوت السيارة بيب بيب تقليد صوت القطة ميو ميو تقليد صوت الكلب هوو هوو تقليد صوت القطار توت توت اذا طفلي يتقن هذه الاصوات وممتاز فيها انتقل المرحلة الثالثة (٣) المرحلة الثالثة (الإشارة وتنفيذ الامر ) 👈الإشارة ان يشير طفلي إلى ما يريد ان يشير طفلي إلى الاشياء من حوله 👍 تنفيذ الامر ان ينفذ طفلي الأوامر مثل هات وخذ يفهمها ويستوعبها مثل روح ل بابا مثل شيل الكرة ؛ ارمي الكرة والله طفلي ماشاءالله يشير وينفذ الاوامر بشكل ممتاز انتقل للمرحلة الرابعة اللي هي مرحلة الكلام والأفعال والجمل (٤) المرحلة الرابعة مرحلة التقليد وهي تقليد وتكرار نطق الكلمات كل ماتحتويه المجموعات الضمنيه مثل الكلمات المفردة مثل اسماء الفواكة الالوان.الخضار الحيوانات .الطيور. الأرقام. .. الافعال ثم نبدأ في تكوين جمل بسيطه مكونه من كلمتين افتح باب اشرب ماء اكل خبز .....الخ الجمل من كلمتين وبعد كذا من ثلاث كلمات وهكذا طفلي الحمدلله اتقن الكلمات والأفعال وصار يكون جمل ننتقل للمرحلة الخامسة (٥) المرحلة الخامسة سرد الأحداث اليوميةماذا اكلت اليوم وين رحت ؟الخ.. وسرد قصص قصيرة (٦) المرحلة السادسة القصص الطويلة والقصص الخيالية يحكي أحداث اليوميه للمدرسه يحكي مشهد أو موقف حدث له بجمل متتالية صحيحه

( المدة: 6 شهور )( يتكرر أو يطور حسب استجابة الطفل للتدريب ) أولا : مرحلة ما قبل اللغة : 1-زيادة مرونة جهاز النطق و الكلام 2-ــ ان يـتستنشق كميه من الهواء ويكتمها ثم يتنفسها بعد 10ثواني . ( عن طريق التقليد ). ــ ان يـ/تمص بالمصاص (عصير ـ زبادي ). ــ ان يـ/تنفخ كرة فلينية علي سطح املس /لهب شمعة فقاعات /صابون . -تدليك عضلات الفكين -تدريبات للسان ( تدريب باستخدام الطعام / المضغ ) 3- مهارات الانتباه و التركيز : الانتباه السمعي : - ان ينتبه فورا لمصدر الصوت و يستطيع تحديد مكان الصوت. -أن ينتبه عند سماع اسمه ( يمكن تكرار النداء عليه بصوت عالي مقبول ومنغم مع استطالة في الاسم والتحرك حول الطفل ببطء حتى ينتبه و يستجيب بالنظر ثم مكافأته بقبلة أو حلوى عند الانتباه لاسمه وهكذا نعيد التدريب حتى يستجيب لاسمه من اول نداء . -الانتباه البصري : -أن ينتبه لمثير ضوئي. -أن يتتبع لعبة مضيئة و تصدر صوت. -أن يتتبع شيء مضيء بدون صوت ( كشاف ضوئي ثم ضوء شمعة في الظلام ). -التواصل البصري مع الأشخاص ( النظر داخل العين ) : -تدريبات تنمية التواصل البصري لنظر الطفل داخل عين المدرب من اهم التدريبات يمكن مراجعة تدريبات التواصل البصري و الحرص على إطالة مدة التواصل البصري . ( راجع تدريبات التواصل البصري ) -أنشطة تنمية التركيز : -ــ ان يـ/تضع كرات صغيرة ( حبات فاصوليا أو مكرونة ) في قارورة فارغة واحدة تلو الاخرى . -ــ ان يـ/تركب ملاقط على حافة صندوق أو صحن مستدير . -أن يركب بازل خشبي ذو قطع كبيرة بالمساعدة ثم بدون مساعدة -أن يركب بازل خشبي ذو قطع متوسطة . -أن يركب بازل خشبي ذو قطع صغيرة -أن يقوم بلضم حبات كبيرة من الخرز ثم متوسطة الحجم ثم صغيرة الحجم . -أن يطابق مجسم مع صورة ( مجسم حيوان مع صورته – مجسم فاكهة مع صورتها – مجسم وسائل نقل مع الصورة ) -أن يطابق صورة مع صورة . -ان يــ/تصنف الاشياء حسب اللون ( لونين "احمر/ اصفر " ) 4-تنمية مهارات التواصل و التقليد: ـ ان يـ/تقليد فعل حركي باستخدام الاشياء (تركيب 3 مكعبات فوق بعض ). ــ ان يـ/ تقليد فعل حركي باستخدام اجزاء الجسم (دوري/تصفيق _ يدي فوق _ باي باي) . -تقليد صوتي ( يقلد أصوات الحيوانات : بسة /مياو مياو – كلب / هوهو – خروف/مااااااء – بطة/واك واك واك- بقرة/موووووووو- ديك/كوكوكوكو - ... -يقلد أصوات وسائل النقل : سيارة/بيب بيب – طيارة/فووووو- قطار/توت توت ... ــ ان يـ/ تطلب لعبة معينة او احتياج معين او يشير إلى الشيء . ثانيا : مرحلة اللغة الاستقبالية ( فهم الكلام ) : ــ ان ينفذ أمر لفظي بسيط بمساعدة اشارية(هات /خد / اجلس ) ــ ان يــ/تشير الى نفسه عند سؤال فين ...؟ ( تستخدم المرآة في البداية ) -أن يتعرف على : أجزاء الجسم : شعر – عين – أنف – فم – يد... الحيوانات الأليفة : قطة- كلب – أرنب – بطة – بقرة – خروف مع أصواتها . الطيور : بطة – دجاجة – حمامة مع أصواتها ... الفواكه : تفاح - موز - برتقال- عنب – أناناس – حبحب.. الخضروات : طماطم - خيار- جزر – بطاطس... وسائل النقل : سيارة – طيارة – قطار – باص – دباب – دراجة – سفينة مع أصواتها . الأفعال الاساسية البسيطة : أكل – اشرب – العب – أنام – اضحك - ابكي الملابس : قميص – ثوب – بنطلون – حذاء ... أدوات المنزل : كرسي – طاولة - سرير- دولاب ... أدوات الطعام : ملعقة – شوكة – صحن – سكين – كوب... أدوات الحمام : صابون – بانيو – دش – حمام – مغسلة – منشفة... أن يتعرف على الأفعال الأساسية ( يأكل – يشرب – ينام – يلعب ) ويقلد حركاتها . ــ ان يـ/تشيرالى الصورة عند سماع الصوت . •ــ ان يـ/تستخرج الالوان •ــ ان يـ/تشير الى اجزاء الجسم والوجه •ــ ان يــ/تختار (نضع أمامه 3 أشياء 2 لا يحبها وواحد يحبه . ثالثا : مرحلة اللغة التعبيرية )النطق و الكلام ) -أن ينطق كلمة ( أنا ) عند السؤال فين .....؟ -أن يقلد أصوات الحيوانات – الطيور – وسائل النقل . -أن يسمي صور المجموعة الضمنية : أجزاء الجسم : شعر – عين – أنف – فم – يد... الحيوانات الأليفة : قطة- كلب – أرنب – بطة – بقرة – خروف مع أصواتها . الطيور : بطة – دجاجة – حمامة مع أصواتها ... الفواكه : تفاح - موز - برتقال- عنب – أناناس – حبحب.. الخضروات : طماطم - خيار- جزر – بطاطس... وسائل النقل : سيارة – طيارة – قطار – باص – دباب – دراجة – سفينة مع أصواتها . أن يعبر عن صور الأفعال الاساسية البسيطة : أكل – اشرب – العب – أنام – اضحك – ابكي ... و يسميها بكلمة واحده أن ينطق جملة طلب واحدة من كلمتين ( ابغى اكل – ابغى اشرب – ابغى انام ... الملابس : قميص – ثوب – بنطلون – حذاء ... أدوات المنزل : كرسي – طاولة - سرير- دولاب ... أدوات الطعام : ملعقة – شوكة – صحن – سكين – كوب... أدوات الحمام : صابون – بانيو – دش – حمام – مغسلة إنتظروا البرنامج الثاني [١:٢٥ م، ٢٠٢٢/٩/١٥] ⁦+20 102 510 3544⁩: تربية خاصة & تخاطب 🌱: طريقة بسيطة تساعد الطفل على اكتساب اللغة 👌 من أكثر المشاكل شيوعا بين الأطفال هي التأخر اللغوي، فأكدت الأكاديمية الأمريكية لطب الأسرة أن 3-10% من الأطفال لديهم تأخر لغوي، وتكون عند الذكور أكثر منه عند الأناث، واحيانا يكون ناتج عن تشخيص محدد مثل (متلازمة داون، الشلل الدماغي، اضطراب طيف التوحد، أو فقدان السمع...) واحيانا لا يكون سوى تأخر لغوي لاسباب لا تتعلق باضطراب. 📝 ولكن ما يهم أولياء الأمور هو معرفة كيفية تحفيز مهارات التواصل واللغة لطفلهم في المنزل. لذلك احببت أن اشارككم بطرق بسيطة تساعدهم على ذلك: 📌النمذجة: 🚥🚥🚥🚥 أولا وقبل كل شي يجب أن تكون النموذج اللغوي الصحيح لطفلك، فتكلم معه بلغة الكبار حتى تتكون لديه اللغة ويكتسبها بالشكل الصحيح. 📌التوسع: 🚥🚥🚥🚥 أي عندما يقول طفلك كلمة واحدة قم انت بتوسعتها اي في حال قال طفلك "كرة" قل أنت "نعم كرة كبيرة؛ كرة حمراء كبيرة". 📌التقليد: 🚥🚥🚥🚥 الأطفال يحبون التقليد كثيرا لا سيما إذا كان الأمر مضحكا، فابدأ بالحركات المضحكة وعندما يتقن مهارة التقليد إنتقل إلى تقليد الإيماءات وأصوات البيئة أو حركات الاغاني. 📌اعطاء الخيارات: 🚥🚥🚥🚥🚥🚥🚥 لا تنسى اثناء وقت اللعب أو تناول الطعام ان تقدم الخيارات للطفل لتشجيعه على التواصل، فيمكنك سؤاله "هل ترغب باللعب بالسيارات او المكعبات؟". 📌اعطاء مساعدة لفظية: 🚥🚥🚥🚥🚥🚥🚥🚥🚥 أي عندما يأتي الطفل لطلب ما يريد يمكنك مساعدته بلفظ أول كلمة أو أول مقطع من الكلمة ليكملها هو مثل (في حال كان يرغب بالحليب يمكنك قول "ححححح" وانتظار الطفل أن يكملها). 📌 التكلم باستمرار: 🚥🚥🚥🚥🚥🚥🚥 ادخل الحديث في الأنشطة اليومية، تكلم معه أثناء لبس الملابس "ادخل يدك في الكم" واثناء الاستحمام "اغسل شعرك"...وهكذا. 📌 الانتظار: 🚥🚥🚥🚥🚥 اعط طفلك الوقت الكافي لمحاولة التكلم وطلب ما يريد، فبعض الأطفال بحاجة للمزيد من الوقت قبل طلب ما يريد. 📌لغة الاشارة: استخدم لغة الاشارة البسيطة اثناء الحديث مع طفلك لتوضيح ما تقوله مثل"اطلب منه أن يحضر لك الهاتف وضع يدك على أذنك". 📌توفير الصور: 🚥🚥🚥🚥🚥🚥 نحتاج نحن الكبار أحيانا لبعض الصور لنفهم كيفية تركيب او استخدام جهاز؛ كذلك الاطفال يحتاجون احيانا لوفير بعض الصور لتساعده على فهم ما تريد توصيله له. 📌طرح الأسئلة: 🚥🚥🚥🚥🚥🚥 حاول ان تقوم بطرح الأسئلة المفتوحة بدل من الاسئلة التي اجابتها "نعم/لا" مثل "أين بابا؟" ويمكنك الاجابة لمساعدته على تعلم الاجابة "بابا بالعمل". 📌تعمد الخطأ: 🚥🚥🚥🚥🚥 أي أن تقوم بعمل شي غير متوقع أو غير صحيح مع الطفل للفت انتباهه وتعليمه التعليق مثل "أن تلبسه الجورب باليد" وتنتظر ردة فعله. 📌النسيان: 🚥🚥🚥🚥 تعمد النسيان في بعض المواقف لتحفيز الطفل على تذكيرك والتواصل معك، مثل احضر العصير وكوب وضعهم امامه دون ان تسكبه وانتظر ردة فعل الطفل، او قم بغناء اغنية يحبها الطفل وتوقف اثناء الغناء ليساعدك الطفل على تكملتها. 📌الحديث الذاتي: 🚥🚥🚥🚥🚥🚥 تعمد أن تتحدث مع نفسك اثناء اداء المهام المنزلية وتواجد الطفلك حولك مثل (عندما تقوم الأم بتقطيع السلطة يمكنها قول "اقطع الخيار الاخضر، سيكون لدينا سلطة لذيذة...". 📌التحدث بجمل بسيطة: 🚥🚥🚥🚥🚥🚥🚥🚥 اختصر الجمل الطويلة وبسطها للطفل، فبدل من قول "البس حذائك سنذهب إلى السوبرماركت لشراء الحاجيات" قل "هيا البس حذائك". 📌اخلق فرص للتواصل: 🚥🚥🚥🚥🚥🚥🚥🚥 ضع العاب الطفل او حاجياته في مكان مرتفع ومرئي له لتخلق له فرصه لطلب ما يريد. 👀اخبر كل ام واب محتاجين لهذه الطرق فهي بسيطة ولكن مفعولها كبير. ➖〰➖〰➖〰➖〰➖〰➖〰➖〰 📚ابعاد الجانب السلوكي 📙البعد الاول : ✒الاعتماد على الذات ⭕1. التدريب على كيفية استخدام الملعقة , الاكل بالملعقة . ⭕2. شرب السوائل . ⭕3. الاكل بالشوكة . ⭕4. ارتداء الجواريب , البنطلون , الجاكيت . ⭕5. استعمال الحمام . ⭕6. التميز بين الصالح والغير صالح للاكل . ⭕7. استخدام الصابون . ⭕8. تزرير الازرار لجاكيت . ⭕9. سكب السوائل بكأس . ⭕10. تنظيف الاسنان . ⭕11. تنظيم اللباس (ليلا ,نهارا ) . ⭕12. الاستحمام . 📙البعد الثاني ✒ : السلوكي ⭕1. ايذاء الذات. ⭕2. العدوانيه اتجاه الاخرين . ⭕3. الضرب على الوجه . ⭕4. رمي الاشياء . ⭕5. الصراخ وازعاج الاخرين . ⭕6. القفز على الطاولة . ⭕7. وضع الاشياء بالفم . ⭕8. التكرار. ⭕9. قصر فترة الانتباه . ⭕10. عدم القدرة على الانتقال من نشاط الى اخر . ⭕11. عدم الاهتمام بالاخرين . ⭕12. تحريك الاشياء بدون فهم . 📙البعد الثالث : ✒ الاجتماعي ⭕1. عمل تواصل بصري مع الاخرين من خلال لعبة لمدة ثلاث ثواني . ⭕2. عمل تواصل جسمي (الاحتضان ,اعطاء قبلة ) . ⭕3. سحب لعبة مع اخرين (قطار ) . ⭕4. مساعدة الاخرين . ⭕5. البحث على شخص ( غميضة ) . ⭕6. عمل العاب من لعبة (اشكال ) . ⭕7. المشاركة في لعبة وضع المكعبات لبناء برج . ⭕8. لعبة الدمى المتحركة . ⭕9. تقليد حركات واصوات معينة ( حركة شجرة , صوت ريح ) . ⭕10. المشاركة في مسح الطاولة . ⭕11. اخذ واعطاء الالعاب . ⭕12. الجلوس بشكل صحيح على الطاولة . ⭕13. تصنيف ادوات المنزل وترتيبها . ⭕14. البحث على شيء مخفي بمساعدة افراد اخرين . ⭕15. استعمال وظائف الاشياء ( المشط ,المنديل ) . ⭕16. معرفة العاب الاخرين